影片
更多
2012-01-13
123 瀏覽
除夕夜沒有節目，一個人呆在家，dinner time諗諗下好想食餐好嘅迎接2012年，一諗就諗到元氣壽司，希望來年一如其名，多Ｄ元氣、多Ｄ活力！ 為免等位，以及一個人的尷尬，所以我外賣自取！去到元氣，都成夜晚９點幾，但人龍／人氣依然強勁，店員也忙過不停！我落好order就到附近逛逛，等了30分鐘就有得拎走啦！無計啦，大時大節，客人又多，等耐少少都ＯＫ，最緊要好食嘛！（雖然我至愛之一嘅海膽賣晒。。。）今次都係我第一次去元氣而唔係堂食！不過呢次外賣經驗令我對元氣加分，因為佢地細心到用樽仔裝豉油（唔係用坊間的魚形豉油），分量較多，唔會唔夠點！至於wasabi就用小杯子裝住（即係通常人地用黎裝薑蔥油果Ｄ），又係大大pat，唔係得少少俾你！最體貼嘅係，外賣仲附有一隻小碟，俾你用黎溝wasabi豉油同埋點黎食！嘩，真係好周到、好方便呀！ 三文魚壽司：好鮮味，Ｄ脂肪花又分佈平均，厚薄適中，一流！ 生蝦壽司：大大隻躺在壽司飯上，Ｄ肉質夠鮮甜又爽，唔會得陣雪味！ 清酒帆立貝壽司：無論佢嘅肉身同埋裙邊都好易咬開，唔韌唔腥！ 海膽魷魚壽司：很多海膽魷魚，唔會只係薄薄一層！味道濃郁清新，帶輕微的辣，真係好好食
除夕夜沒有節目，一個人呆在家，dinner time諗諗下好想食餐好嘅迎接2012年，一諗就諗到元氣壽司，希望來年一如其名，多Ｄ元氣、多Ｄ活力！ 為免等位，以及一個人的尷尬，所以我外賣自取！
去到元氣，都成夜晚９點幾，但人龍／人氣依然強勁，店員也忙過不停！我落好order就到附近逛逛，等了30分鐘就有得拎走啦！無計啦，大時大節，客人又多，等耐少少都ＯＫ，最緊要好食嘛！（雖然我至愛之一嘅海膽賣晒。。。）
今次都係我第一次去元氣而唔係堂食！不過呢次外賣經驗令我對元氣加分，因為佢地細心到用樽仔裝豉油（唔係用坊間的魚形豉油），分量較多，唔會唔夠點！至於wasabi就用小杯子裝住（即係通常人地用黎裝薑蔥油果Ｄ），又係大大pat，唔係得少少俾你！最體貼嘅係，外賣仲附有一隻小碟，俾你用黎溝wasabi豉油同埋點黎食！嘩，真係好周到、好方便呀！
三文魚壽司：好鮮味，Ｄ脂肪花又分佈平均，厚薄適中，一流！
生蝦壽司：大大隻躺在壽司飯上，Ｄ肉質夠鮮甜又爽，唔會得陣雪味！
清酒帆立貝壽司：無論佢嘅肉身同埋裙邊都好易咬開，唔韌唔腥！
海膽魷魚壽司：很多海膽魷魚，唔會只係薄薄一層！味道濃郁清新，帶輕微的辣，真係好好食！
軟殼蟹手卷：簡直係信心美味之作！ 自從第一次食過之後真係好難忘，以後黎親元氣都必叫黎食！熱辣辣的炸軟殼蟹夠鮮夠入味，唔會係一大舊炸漿！配埋千島沙律醬，好醒胃！最要讚嘅係，呢個軟殼蟹手卷嘅軟殼蟹同飯嘅比例恰好，唔會蟹少而大舊飯！
張貼
