心。泰 (已結業)

我上星期六同朋友去食，上到去已經見到換左名，其實我係一心帶朋友去香葉天食架，本人是香葉天既fans，對佢既咖哩極之喜愛，而且佢既自製雪糕超正，款式又多，所以見佢改左名已經第一時間問佢係同一間嗎？佢話同一集團，只係換左名，咁我心諗，咁應該都唔會差好多，跟住就入左去食。 結果係好失望，因為d野難食左好多，連我喜愛的咖哩都唔好食，薄餅又唔得。我上次去香葉天叫左兩客咖哩、兩客薄餅都食晒，呢次一客咖哩、一客薄餅都食唔晒，因為好難食。還有，我最愛既自製雪糕又無左啦！失望… 我諗以現在的質素，我將不會再去啦，又少左一間好味的泰國菜，唔明點解同一個老闆會越改越差