坤記煲仔小菜 (已搬遷) 新店位置

幫襯坤記多年，一直是舊舖的支持者，尤其是舊舖的煲仔飯，金黃色的飯蕉真係無得頂，次次明知要等足一粒鐘，但都要等。這次去新舖試試，例牌點左椒鹽九肚魚，蒜蓉油墨菜，兩味都ok，keep都水準。另一個係膶腸田雞煲仔飯，照例預左要等一粒鐘，無問題，舊舖都要等咁耐啦。點知一上枱，發現飯蕉太燶，黑左一大塊，呢樣就唔可以接受啦。結果只係食左面頭d飯和餸就算。新舖另一個問題是漏單，除了今次晚市，我也幫襯過四、五次午市，但每次都見到有人投訴漏單，更見過有人因為等得不耐煩而一走了之。我自己未遇過這情況，但卻試過遲來先上岸，自己明明比人早到、早點菜，但別人的菜卻早上很多。總結就係新不如舊，以後都係去返舊舖算啦。