影片
更多
2024-06-22
1919 瀏覽
《凱悅軒 - 尖沙咀》前排因為公務既關係，試左一家成日行過但無機會入去，位於K11凱悅酒店入面既中菜館，享受住酒店式既服務，仲有機會食到凱悅軒總廚精心設計既椰子盛宴☺️今次一共試左八道菜，當中有不少係酒店既傳統菜式，令人印象深刻，一試難忘🥰💁🏻♀️蜜汁叉燒酒店好傳統既菜式，不過每家酒店既做法唔同，呢度既做法算係比較少花巧野，專門做好個肉質同口感，少少燶邊脆口，個蜜汁唔會太甜搶左豬肉既味道，咬落鬆化無渣，好穩定水準既叉燒👍🏻我個叉燒朋友實鍾意呢個口感💁🏻♀️椰香紫米脆雞卷呢道係新推出既其中之一款椰子菜式，食落好多層口感同味道，仲可以都不同既配搭去食呢道菜式🤓首先個脆雞卷用左雞皮包裹住雞肉，入面夾左紫米同爽脆既蔬菜，可以點埋混合左百香果既椰香沙律醬汁，最後點多少少開心果碎碎，咬落外面脆脆的，但內裡十分juicy，同埋充滿椰子既香氣，作為椰椰控的我好喜歡呢道菜💁🏻♀️黃湯蝦籽扎蹄釀關東遼參凱悅軒主廚既得意之作，先唔講用左好貴重既食材製作，淨係底下個黃湯既製作程序已經係十分繁複，用左雞、鴨、豬肉、豬骨等食材熬煮而成，遼參選用左大隻肥美的，釀入特製加入蝦籽既蝦膠再炸香，食落鬆軟而且香口，連用黎墊底
前排因為公務既關係，試左一家成日行過但無機會入去，位於K11凱悅酒店入面既中菜館，享受住酒店式既服務，仲有機會食到凱悅軒總廚精心設計既椰子盛宴☺️今次一共試左八道菜，當中有不少係酒店既傳統菜式，令人印象深刻，一試難忘🥰💁🏻♀️蜜汁叉燒
酒店好傳統既菜式，不過每家酒店既做法唔同，呢度既做法算係比較少花巧野，專門做好個肉質同口感，少少燶邊脆口，個蜜汁唔會太甜搶左豬肉既味道，咬落鬆化無渣，好穩定水準既叉燒👍🏻我個叉燒朋友實鍾意呢個口感💁🏻♀️椰香紫米脆雞卷
呢道係新推出既其中之一款椰子菜式，食落好多層口感同味道，仲可以都不同既配搭去食呢道菜式🤓首先個脆雞卷用左雞皮包裹住雞肉，入面夾左紫米同爽脆既蔬菜，可以點埋混合左百香果既椰香沙律醬汁，最後點多少少開心果碎碎，咬落外面脆脆的，但內裡十分juicy，同埋充滿椰子既香氣，作為椰椰控的我好喜歡呢道菜💁🏻♀️黃湯蝦籽扎蹄釀關東遼參
凱悅軒主廚既得意之作，先唔講用左好貴重既食材製作，淨係底下個黃湯既製作程序已經係十分繁複，用左雞、鴨、豬肉、豬骨等食材熬煮而成，遼參選用左大隻肥美的，釀入特製加入蝦籽既蝦膠再炸香，食落鬆軟而且香口，連用黎墊底既蘆筍都吸滿左海鮮既香氣同黃湯既甜味，食得出的矜貴💁🏻♀️梅欖骨
同樣係餐廳既傳統菜式，望落簡單，但食落有心思的，梅欖骨每件都會食到連住筋膜既部分但仲係食到啖啖肉的，外層既梅子醬汁唔會死甜，帶出陣陣梅子幽香💁🏻♀️方魚炒芥蘭
食完咁多肉，食番個比較清淡既菜式🤓雖然話只係炒菜，但同樣係食得出既細心，因為每條菜其實都係揀選過同埋揀選左最嫩既部分黎製作，食落爽脆無渣，仲滲透著啖啖既魚香，解膩一流💁🏻♀️鮮椰青肉菠蘿炒本地黑毛豬
最後一道菜都係今次新推出既椰子盛宴既菜式，用左椰青肉去炒既黑毛豬肉有陣陣椰子既清香，配埋香甜多汁既菠蘿肉同脆豆，成道菜既味道互相配合，菠蘿同椰子一齊食好有熱帶風味，而黑毛豬配椰青肉又有助解膩咼，十分特別既配搭💁🏻♀️芋香椰子糕
甜品同樣都係我喜愛既椰子，有點似傳統反沙芋既外型，但口感完全唔係果樣野，個椰子糕係加入左大量香芋，有點似芋頭紫米露既味道，但咬落軟滑似有芋粒既布甸，充滿椰絲同椰奶既味道，食落唔太甜，啱曬怕死甜糕點既人啦☺️💁🏻♀️酥皮流沙盞
最後我地仲叫左每人一件酥皮流沙盞，襯熱食會有奶皇流心既效果，入面仲有拉絲既煙韌麻薯增加口感，一啖一件易入口，食落好香牛油同奶皇既甜香，好好食😘
張貼
