東記上海麵

營業中

休息中

之前食大埔熟食街市上面間鋪，次次都要勁多人等位，而家喺大埔地鋪開咗分店緊係要嚟拜會吓啦，今次特登過咗食晏時間嚟，卒之唔駛等位。相比街市上面間鋪，新鋪座位闊落，坐得舒服，仲有懷舊裝修。雞翼豬扒上海粗麵 $46雞翼豬扒依然夠入味，夠鬆脆，豬扒一樣大大塊，尤其雞翼簡直無敵呀😋😋😋豬扒菜飯配牛筋 $69又係大大片酥脆豬扒，牛筋夠腍又入味，份量超大，勁飽👍酥炸墨魚卷 $38啖啖墨魚仲勁彈牙，真材實料，炸漿好薄，必食💯點咗飯或麵➕$10有凍餐酒，落咗單先見到原來➕$12有梳打特飲，下次要試試。