The Ice Cream & Cookie Co.

營業中

休息中

呢間新加坡雪糕品牌近期嚟咗香港上環開首間香港實體店。 之前未有試過呢個品牌嘅雪糕，但見佢哋嘅手工 Ice cream sandwich ，都好有興趣想試吓。店舖門外裝修用上深藍色，相當搶眼。樓高兩層嘅店舖，樓上會提供地方給顧客堂食，至於樓下賣雪糕嘅地方空間就較狹窄，若顧客多的話，會感覺比較擠迫。雪糕有十餘款味道選擇， 而且味道款式都算幾特別。除雪糕外，更有多款即焗曲奇，飲品以至各類甜品等。我最想試吓佢哋手工雪糕 Ice Cream Sandwich ｡ 我揀咗 Double Choc Chunk及 Macadamia White Choc 曲奇餅做面底，夾在裏面嘅雪糕要咗Miso Maple Walnut ｡成品完成會放在一個籃色小盒內，presentation 看起來非常得體美觀外， 最重要是食起來時不用擔心雪糕溶掉時的狠狽。 抵讚雪糕比一般雪糕無咁甜， 雪糕黏度較高，食時有少許煙韌感 。 相反曲奇餅比較甜，半脆身，新鮮焗起好香。 食曲奇後再食雪糕，會覺得雪糕味道更淡。 嘗試拿起整個雪糕三文冶放進口，但可能太厚關係，食時會有點 「論盡」。