影片
更多
2024-10-13
1843 瀏覽
西班牙菜我唔係成日食不過老婆大人佢呢就好鍾意，作為貼心嘅老公梗係樂意陪佢食返餐勁㗎啦。荔枝角D2 Place呢間Rustico都有好多年歷史但我未食過！呢晚終於有機會同老婆大人嚟食新廚嘅菜式。用紅磚牆做裝修主要嘅格調真係好有西班牙嘅感覺，餐廳入面嘅氣氛真係好唔錯。老婆大人話餐廳啱啱嚟咗位新嘅總廚Javier Pérez Freire，咁梗係即刻約朋友落嚟試吓佢嘅手勢啦。成日都覺得食西班牙菜一定要飲Sangria，我同老婆大人揀咗一紅一白嘅Sangria，白酒飲落清香啲紅酒就比較甜口。安達盧西亞式西班牙藍鰭吞拿魚生魚片，用咗西式生醃嘅方法嚟炮製藍鰭吞拿魚，食落去吞拿魚個質地好軟滑，酸酸地嘅醋香味食落去好醒胃。加泰羅尼亞橄欖油烤蔬菜配油浸西班牙藍鰭吞拿魚腩又有另一種感覺！佢係用慢煮油封嚟整西班牙藍鰭吞拿魚腩，食落去個口感更加香軟，配埋佢好特別嘅雪梨酒醋調味好有特色。加納利群島皺紋馬鈴薯配雙色傳統辣醬，呢個手指薯仔深得老婆大人歡心，薯仔本身已經好香濃好味，點咗辣辣地嘅紅、綠色辣椒醬個味就仲正斗。阿斯圖裡亞斯特色燴白腰豆做睇落去好似湯，但其實佢係一個多汁嘅燴白腰豆菜，除咗白腰豆之外入面仲有辣肉
荔枝角D2 Place呢間Rustico都有好多年歷史但我未食過！呢晚終於有機會同老婆大人嚟食新廚嘅菜式。
用紅磚牆做裝修主要嘅格調真係好有西班牙嘅感覺，餐廳入面嘅氣氛真係好唔錯。
老婆大人話餐廳啱啱嚟咗位新嘅總廚Javier Pérez Freire，咁梗係即刻約朋友落嚟試吓佢嘅手勢啦。
成日都覺得食西班牙菜一定要飲Sangria，我同老婆大人揀咗一紅一白嘅Sangria，白酒飲落清香啲紅酒就比較甜口。
安達盧西亞式西班牙藍鰭吞拿魚生魚片，用咗西式生醃嘅方法嚟炮製藍鰭吞拿魚，食落去吞拿魚個質地好軟滑，酸酸地嘅醋香味食落去好醒胃。
加泰羅尼亞橄欖油烤蔬菜配油浸西班牙藍鰭吞拿魚腩又有另一種感覺！佢係用慢煮油封嚟整西班牙藍鰭吞拿魚腩，食落去個口感更加香軟，配埋佢好特別嘅雪梨酒醋調味好有特色。
加納利群島皺紋馬鈴薯配雙色傳統辣醬，呢個手指薯仔深得老婆大人歡心，薯仔本身已經好香濃好味，點咗辣辣地嘅紅、綠色辣椒醬個味就仲正斗。
阿斯圖裡亞斯特色燴白腰豆做睇落去好似湯，但其實佢係一個多汁嘅燴白腰豆菜，除咗白腰豆之外入面仲有辣肉腸同埋血腸，所以飲落去嘅味道都幾香濃仲好飽肚呢。
呢碟馬德里式燴牛肚有好濃郁嘅牛肉味道！蜂巢牛肚整得好腍好入味，仲有好多鷹嘴豆、辣肉腸、伊比利亞火腿所以口感勁豐富。
巴斯克式Pil Pil醬汁鱈魚面頰！食魚食面珠墩大家都知有幾滑，加埋呢個係銀鱈魚就滑上加滑，呢個銀鱈魚個味係有啲酸酸香香咁同中式魚嘅味道分別好大，都係一個幾新奇特別嘅味覺體驗。
嚟到今晚打大佬嘅時候！呢件係加利西亞頂級熟成Rubia Gallega肉眼，Rubia Gallega係西班牙西北部加利西亞的原生牛品種，唔知道整出嚟個味道係點嘅呢。
Chef Javier先俾我哋影咗呢件勁大嘅牛肉，然後再切開俾我哋慢慢嘆。
嘩！呢個係我最鍾意嘅三成熟，幾咁粉嫩睇見都已經流口水！大廚只係好簡單用鹽嚟調味冇多餘嘅醬汁，所以我哋可以食到呢個牛嘅原汁原味。
超級粉嫩的肉眼顏色好迷人！食落去肉質都好柔軟有唔錯嘅牛肉香味，老婆大人唔食得牛但係對側邊嘅青椒同炸薯仔就表示非常欣賞。
阿拉貢慢煮羊膝配堅果蒜油醬！呢個羊膝用慢煮嘅方法令到肉質好鬼軟熟，跟住配返個堅果蒜蓉醬食落真係好酥香。
呢隻卡斯提亞傳統烤乳豬簡直係表演菜式，因為侍應會用一隻碟嚟切開乳豬表現佢有幾咁香脆。
呢隻乳豬個皮好脆肉質都好嫩滑而且仲好肥美添！食落乳豬好香口但同時亦都好邪惡，同朋友一齊分享就最啱啦。
飽肚嘢有呢一大鑊傳統瓦倫西亞雞肉燉飯！呢個燉飯除咗有雞肉之外仲加咗白豆同埋青豆，澱粉質勁豐富肯定會飽到一個點。
到最後大家記得要嗌呢個Porrón Cider挑戰吓自己嘅口技！喺唔可以掂嘴嘅情況下同朋友分享呢一壺cider，好飲之餘又好玩仲可以促進朋友間嘅感情哈哈。
張貼
