海陸空

營業中

休息中

早排食完晚餐，今次嚟食午餐十二點鐘到達，店員話最近做緊推廣，有買一送一優惠，今期係新品人參牛肋骨湯，原價128蚊，而家買一送一人蔘雞週圍都係，但係人蔘牛肋骨湯真係第一次食，上枱之後真係覺得超驚人，足料到不得了，有大大舊連骨嘅牛肋骨，同埋一條好粗好粗嘅人參，完全冇因為買一送一而偷工減料而且服務態度超好，店員仲幫我哋好細心咁剪開牛肋骨同埋條人參，等我哋方便食牛肋骨超級多肉，好淋滑，個湯都好好飲，好有人參味，條人參煮得啱啱好，質地淋淋地，味道濃郁另外叫咗個拌面，不過不失呢個買一送一嘅人參牛肋骨湯我真係可以日日食