影片
更多
2016-04-09
785 瀏覽
好耐無食過海皇粥店，估唔到今次會俾個粥底邊爐廣告吸引，睇黎改革都算幾成功。當日入到去，發現有一半以上的人都食粥底邊爐，睇見都覺得正，原本打算點一個share，最後都係決定一人一爐。份量睇落唔算多，但其實食到尾都幾飽，呢個係黑豚肉set，可能因為薄切的關係，煮完都不會難咬，配菜有南瓜、金菇、蟹柳、什錦丸等等。雞件set都幾好，厚肉之餘唔會爆血水，食落啖啖肉又唔腥，而配菜就同黑豚肉set一樣。左邊南瓜粥，右邊冬蔭功粥。前者又甜又綿，入口非常幼滑，同平時單點的粥一樣；後者香料味極重，朋友話好味，我就覺得太搶味。最後加多個牛脷酥，吸盡成個粥底精華，之後食埋剩下的粥，估唔到比平時食日式小邊爐更飽，下次一定會再叫朋友食多次！
份量睇落唔算多，但其實食到尾都幾飽，呢個係黑豚肉set，可能因為薄切的關係，煮完都不會難咬，配菜有南瓜、金菇、蟹柳、什錦丸等等。
雞件set都幾好，厚肉之餘唔會爆血水，食落啖啖肉又唔腥，而配菜就同黑豚肉set一樣。
左邊南瓜粥，右邊冬蔭功粥。前者又甜又綿，入口非常幼滑，同平時單點的粥一樣；後者香料味極重，朋友話好味，我就覺得太搶味。
最後加多個牛脷酥，吸盡成個粥底精華，之後食埋剩下的粥，估唔到比平時食日式小邊爐更飽，下次一定會再叫朋友食多次！
張貼
