火鍋仔

營業中

休息中

好耐無去過觀塘了，行完APM，朋友話肚餓要揾好嘢食喎！我們两個都非常喜歡食海鮮的，咁食好嘢梗要食海鮮啦！就上網睇吓openrice有冇好介紹，查到有間火煱仔就係隔離工廠區，就胆粗粗走去試吓，上到去又真係幾旺喎，但都好快安排入座！間店舖不大，只有幾枱客。我們叫咗一個海鮮拼盤，有海蝦、蜆、蟶子皇、桂花蚌、超大帶子，仲有都幾大隻嘅非洲鮑魚，全部都幾新鮮。最好笑就係我們叫咗個木瓜魚湯底，湯料只有木瓜和秀珍菇，但也充滿了魚湯味，沒想過這個湯會這樣子的鮮甜耶，D海鮮拼盤都未上枱，我朋友已經飲咗好多碗湯了，又真的幾好味！非洲鮑魚 ~ 鮑身圓闊飽滿，裙邊粗壯，味道濃郁、甘香，肉質夠厚，更十分彈口。又大又肥美又夠鮮的帶子，加上惹味的醬料更能把帶子添增香和鮮等味覺的享受。超大的蟶子皇，實在忍不住要食咗佢！還有一個最重要的配角，就是…火鍋醬料，蔥碎、香菜碎、蒜碎、辣椒和醬油，讓海鮮火鍋加倍好吃！本來都想試吓其他食物，見隔離枱叫咗好多肥牛同埋D肉丸，但我們只得两個人，食完海鮮拼盤已經好飽了，唯有下次再食過啦！