Funky Monkey

營業中

休息中

今日試這間Funky Monkey餐廳，是朋友住在附近，食過讚好的，話這裏的尼泊爾菜，又經濟又好食，環境氣氛好，值得一試。走進餐廳，這裡像酒吧一般，勝在擺設特別別緻，加入熱情的音樂，氣氛特別有feel, 而這店的老闆特別nice, 非常熱情招呼，使我和老公過了一個愉快的晚上。食物方面，估唔到又幾好食，尤其是那 Baby back ribs，肉質新鮮，味道香濃，大厨把豬肋骨烤焗時間控制得好好，肉烤得非常軟滑，比很多餐廳好好多，醬汁腌得很入味，鹹甜舒中，食到我同老公引不住口，好在份量夠多，滿足我倆口子胃口。至於個Margarita pizza更特別，薄餅皮超薄超脆，成層芝士在面層，勁香，d芝士多到可拉出絲來。而蕃茄味好重，所以食落特別開胃。加上pizza做得特別薄身，每人食三片都唔覺膩，超正。最後點了兩杯特飲，分別是Fresh Mango 和Lemongrass refresher,兩杯都好清新，尤其是 Lemongrass refresher，加了香茅葉，令檸檬味好出好清甜，非常特別，好好飲。食過這餐後，以後又多尼泊爾菜作選擇，不用只食其它西餐咁单調。