新城潮州飯店

營業中

休息中

同女友專登揸車去九龍城買芋圓，咁買完都成8點啦！咁橫掂都好好彩咁樣泊到個兩個鍾錶位，咁不如就係度食埋啦！咁九龍城就好出名食泰國野啦！但係女友就話唔想食wor!於是我腦袋一唸，就唸到e間正正潮州菜啦！咀佢都話ok啦！咁就gogogo啦！去到啦！好好彩剛剛有個卡位仔，但係都有d迫，唔緊要啦！e度都唔係食環境，咁我地就點餸食啦，其實我地心裡面都已經有想食嘅菜式啦，都唔洗點樣唸呀！首先黎嘅係蠔仔粥，本身就唸住叫一碗呀！但呀姐姐就話一窩抵食好多，無記錯都係多二三十蚊，咁窩粥就非常非常足料，裏面好多蠔仔，另外重有冬菇，有烘左嘅大地魚乾，肉碎，重有d香菜等等，湯味鮮甜及惹味，真係令人一試難忘 ，你每一啖食落去都會食度有料，而且佢就唔會話咸，食落去果d係鮮味黎呀！正呀！好!到第二道菜啦，鹵水鵝片啦！鹵水鵝片係用左胸肉部分，大大塊同啖啖肉，好正呀！我女友大讚肉質腍，滷得入味，而最正係隻鵝大得黎係唔肥呀！出去食燒味就最怕食左d肥嘅家禽，果d肥膏食落去都唔知要跑返幾多個圈呀!而佢果d鹵水汁就真係堅無得輸呀！煮好左出黎都陣陣香味，再配埋下面果d鹵水豆腐，又香又滑，真係唔只用黎墊底咁簡單呀！我相信舊豆腐呀師傅都