Lab Made 分子雪糕專門店 (已結業)

一直都未食過分子雪糕,見佢D味道又可以千變萬化,整既時候又好似真係做緊實驗,真係好似好吸引,今日咁岩經過,又無理由唔試下既。今次就試左依個焦糖醬海鹽牛奶脆脆,見佢個名咁長緊係要試下,佢成個雪糕面都有焦糖,賣相不錯不錯,但唔可以話靚,不過都夠吸引。佢D糖又唔係食開個D深啡色既焦糖,佢係稀身左少少, 而且味道都唔係好似焦糖咁甜,但係我自己就好喜歡,因為普通個D太甜,而佢依個就岩岩好,又好入口。而加埋個雪糕就更加好,佢有好多星星脆係面,食落個口感無咁悶,因為就咁食雪糕就得個軟,咁樣就幾特別不過。最正就係佢個海鹽,本來我以為會好怪,邊有人咁樣食咸雪糕嫁,原來咁樣真係好正,因為有個焦糖夾埋食,甜同咸岩岩好,真係要讚佢夠心思,我諗依個雪糕是旦無左一樣野都會令佢唔好食,仲可能係難食。