Outback Steakhouse (東薈城名店倉)

營業中

休息中

同屋企人出去食飯，東薈城間outback新開咗咁耐都未去試過，所以就去試下。我地食夜晚7點左右，個時個場都唔係好多人。我地叫咗2個2人餐同一份肉眼扒食同一份小食炸蘑菇。2人餐叫咗豬肋骨拼春雞同豬戰斧扒。豬肋骨同春雞都有啲鞋同乾，但個味係唔錯嘅。豬戰斧扒都係有少少鞋，但整體都係唔差，等別係佢底下個飯好好食。至於牛就一定係最好味，色味香都齊，連個焗甜薯都正到飛起。另外2人餐入面跟嘅意粉同飯，個人覺得飯好食好多。同埋個餐湯小食都好正，可以再食。用hsbc credit card有 promotion，2人餐會平大概100-300左右（睇食咩餐），5個人食咗1400左右，食到好飽都抵食。