龍悅 (富善商場)

營業中

休息中

新年就預咗唔會去茶樓飲茶，但係屋企人話周圍冇乜嘢食，就入去求其食少少嘢。分開咗兩輪叫嘢食，第二輪啲嘢都嚟晒第一輪還有一樣嘢未到。跟住叫侍應check單，佢話第一輪落嘅時候已經冇，所以冇幫我哋落，冇唔緊要，但係早啲同我哋講咁唔使新年流流食七樣點心咁吉利。食完第二輪唔係飽係個質素嘅問題所以冇諗住再俾佢賺多一籠點心，所以焗住食七。其實收得呢個價錢，其實係可以做好少少，睇吓啲鯪魚球咁深色大家都知咩事。啲米粉都係凍嘅，個生煎包裏裡個餡少得可憐。如果平時下午茶孖寶，我又覺得可以接受。但係新年呢個價錢真係唔太值得。