高流灣海鮮火鍋 (已搬遷) 新店位置

新一年嘅開始同十幾個朋友約食飯~天氣凍凍一諗就諗到去打邊爐啦!哩間火鍋口啤一向都好好,所以我前兩日已經訂定位啦~不過去到都要等半個鐘先有位!我地叫左兩個鴛鴦湯底...海底椰拼麻辣+海底椰拼醉雞由於本人果日唔食得辣野,所以麻辣湯底就評唔到啦~海底椰湯底椰子味非常香濃,而且口感好滑,用黎煮海鮮類超正!醉雞湯底所用嘅材料好足,党參杞子等真材實料都可以睇得見,只嫌酒味略淡,但所配嘅醉雞份量都好足~象拔蚌一味兩食,既可以刺身生食,又可以煮食,味道好爽好甜好新鮮~我都係鍾意刺身食法多啲!雪花肥牛牛肉新鮮而且脂肪分佈均勻,厚薄亦適中,肉味鮮甜口感很好!手切肥牛口感較雪花肥牛有咬口,肉味亦較為鮮甜!花甲非常新鮮肥美鮮甜~還有很多很多~總括食物用材都很新鮮,所以味道都很鮮,而且店內有很多特色獨製丸類味道鮮甜及口感爽脆!...