九井壽司 (已結業)

不論店內、店外亦設計得彷如新幹線一樣，而另一特色就莫過於係以新幹線列車送餐，吸引到唔少大人同小朋友添架。店外設有論侯位置，令客人等侯期間亦彷如置身新幹線之內，而上方設有一個大屏幕，並設計成路線圖以顯示各款壽司及小食之價錢。店外設有一個新式嘅輪候顯示，夠晒簡單清晰；店內嘅裝修一絲不苟，每個角落都盡顯心思。店內提供小童用嘅BB餐椅，可按需要向店員提出要求喔。角切魚生丼定食HKD$68*角切魚生飯＋沙律＋麵豉湯*呢個魚生飯同平時食嘅有啲唔同，唔同在係因為有小JM媽鍾意食嘅希靈魚添架！迷你丼駅HKD$ 42*三文魚蟹子丼(迷你)+牛肉薯餅+炭燒雞串*可樂薯餅夠趣，但唔油膩加洲駅HKD$42*北寄貝、三文魚、甜蝦、加洲卷(壽司)+蟹子沙律+烏冬*兒童餐－月亮號HKD$42*海苔魷魚天婦羅+加洲卷+玉子燒+益力多*圖中兩份都係月亮號，但唔同嘅係在於配搭。正常嘅月亮號會係圖中上方嘅式樣，但因為小JM年紀太細食唔到魷魚，所以店員亦好貼心咁俾我地將海苔魷魚天婦羅　轉為　牛肉薯餅。而因為俾小朋友食嘅關係，玉子燒亦都係暖架，所以可以好放心俾小朋友進食。