酩町 (已結業)

上網見到呢間五月先開嘅酩町，主打真炭火燒烤，最鍾意食串燒同生蠔嘅我梗係唔可以錯過，即刻叫埋個朋友陪我一齊去試吓😉佢地用個真肉盤黎做menu好有創意，我真係忍唔住叫多幾串。佢嘅串燒28蚊起，喺尖沙咀黎講算性價比高，不過咁多款式兩個人食唔到好多，可能多啲人會更適合。淨係串燒當然滿足唔到我哋個胃口。店員介紹而家當造嘅日本時令生蠔，叫左3隻黎試吓，肉質肥美飽滿，味道鮮甜，我哋仲叫咗支清酒慢慢嘆🍶餐廳環境舒適，我哋傾住計飲下酒過咗成晚😚除咗串燒仲有好多小食、燒物、炸物試唔晒，下次約多啲人再黎食過☺️