暢和號 (翠怡花園) (已結業)

見到呢間新開小店座無虛席，而且仲有人等外賣，就知道應該係好嘢😁睇返餐牌價錢親民，果段光顧！😝泰式龍眼茶、泰式奶茶～兩款飲品甜度適中，龍眼茶帶清甜，而泰式奶茶帶有濃濃奶香😬香茅雞翼～雞翼非常香脆，外脆內嫩，香料味道突出！叁巴醬菠菜～叁巴醬非常惹味，配上柔軟嘅菠菜，推薦！暢和去骨海南雞飯～由於怕肥，所以揀咗白飯（其實有啲後悔，見到隔籬枱嘅油飯，非常吸引）海南雞非常嫩滑，而且沾上醬汁可以錦上添花😍配搭嘅一碗椰子雞湯帶清甜，而且口感清爽，有驚喜！！香茅豬扒喇沙滲滲～炸豬扒非常夠味，顏色漂亮，而且碎上，一口一件非常方便👍🏻 滲滲係指兩種麵底，口感特別～喇沙湯底非常濃郁，椰味香濃，微辣口味，令人越食越想食！