糖黐豆 (已結業)

想寫個食評比新店，但奈何未有登記，只好借用大埔墟店寫個食評。朋友提意飯後食甜品，講大埔直街開一間分店，話好大間，去到新店，果然勁大間，比起大埔墟點足足三、四倍，座位舒服，一行11人，比左個U形卡位比我哋。眼見仲有兩間包廂，果然好少甜品店落咁重本裝修。每個人ORDER自己喜愛甜品，其實主要都係生果，我ORDER左生果加雪糕，勁多生果，雪糕雪到好冰凍，唔會好快溶，好好味，大家仲ORDER四色糕(有桂花、紅豆綠茶、柚子同椰汁)每款糕都做得好出色，味道濃，好有水準。