奇蹟拉麵 (已結業)

見到新日式拉麵店，近屋企，就決定去支持新店，奇蹟拉麵！兩個人，試食左一碗烏賊拉麵，一碗混麵，本來想叫埋餃子但宜家無賣…唔知遲啲有唔會有呢？整體味道唔錯，麵係幼麵，麵質比丸京好，夠硬夠彈牙！湯濃淡適中，唔會太杰，烏賊拉麵係有墨魚汁！另一碗混麵即係撈麵，加啲醋撈一撈幾清新，都幾好味！份量唔算大碗，唔會太飽我反而鐘意！應該會再食，下次想食原味，或者清湯醬油！環境方面，新店新裝修，算係乾淨光鮮！鋪面比較細得三張枱，一張四人枱兩張二人枱，唔知會唔會好似上一間咁門口/旁邊加開臨時枱…