影片
更多
2020-01-28
4926 瀏覽
今日同朋友過咗嚟美孚新邨搵另一朋友食飯，住係度既朋友極度推介佢樓下一間剛開幾個月的餐廳，於是我哋就嚟左一間叫’匠心廚房’既小菜館。揭開餐牌一睇，見到菜式都幾創新！我哋叫咗以下菜式：欖豉蜜餞焗肉排焗肉排開頭以為好似豬扒咁大，原來係排骨咁嘅size，用咗欖菜豆豉加蜜餞嚟煮，醬汁味道酸酸甜甜既，好開胃！排骨肉同骨一咬就甩開，容易食。宮保澳帶子帶子輕輕炸過，味道仍保持鮮甜，每粒好大粒，口感鮮滑。伴有香蔥炒，食得出好有鑊氣。雖然使用辣椒炒，但一啲都吾辣，似用來吊味。石庫門老式熏魚熏魚同傳統嘅唔同，以往食開嘅熏魚係又凍又硬，但係呢度嘅熏魚係新鮮製作，食得出魚肉仲好鮮滑，外表炸到香脆，配上甜甜既醬汁，送飯一流！上菜時熏魚係暖烘烘的，果然有別於傳統。清炒菜心時蔬可以揀菜，亦可以揀清炒，蒜蓉，上湯來煮，我哋就揀咗清炒菜心。清炒菜心非常有鑊氣，每條菜心都好鮮甜。香辣薯仔牛筋腩入面勁多牛筋同牛腩！牛筋腩炆到好淋，好入味。醬汁香濃惹味，我朋友用醬汁撈飯都食咗幾碗飯。薯仔都好好味，有輕微炸過，更為香口。 凍靈芝山楂烏梅茶聽到個名都覺得好養生！山楂同烏梅汁酸酸甜甜，好開胃。食咁多餸可以幫助消化。熱銀杏無花果薏米水
揭開餐牌一睇，見到菜式都幾創新！
我哋叫咗以下菜式：
欖豉蜜餞焗肉排
焗肉排開頭以為好似豬扒咁大，原來係排骨咁嘅size，用咗欖菜豆豉加蜜餞嚟煮，醬汁味道酸酸甜甜既，好開胃！排骨肉同骨一咬就甩開，容易食。
宮保澳帶子
帶子輕輕炸過，味道仍保持鮮甜，每粒好大粒，口感鮮滑。伴有香蔥炒，食得出好有鑊氣。雖然使用辣椒炒，但一啲都吾辣，似用來吊味。
石庫門老式熏魚
熏魚同傳統嘅唔同，以往食開嘅熏魚係又凍又硬，但係呢度嘅熏魚係新鮮製作，食得出魚肉仲好鮮滑，外表炸到香脆，配上甜甜既醬汁，送飯一流！上菜時熏魚係暖烘烘的，果然有別於傳統。
清炒菜心
時蔬可以揀菜，亦可以揀清炒，蒜蓉，上湯來煮，我哋就揀咗清炒菜心。清炒菜心非常有鑊氣，每條菜心都好鮮甜。
香辣薯仔牛筋腩
入面勁多牛筋同牛腩！牛筋腩炆到好淋，好入味。醬汁香濃惹味，我朋友用醬汁撈飯都食咗幾碗飯。薯仔都好好味，有輕微炸過，更為香口。
凍靈芝山楂烏梅茶
聽到個名都覺得好養生！山楂同烏梅汁酸酸甜甜，好開胃。食咁多餸可以幫助消化。
熱銀杏無花果薏米水
呢一杯都係冇得頂，入面好足料！有銀杏，無花果，薏米，雪耳等，好滋潤。
除咗正餐，梗係要試吓呢度嘅甜品啦！
熱椰香芒果黑糯米
上碟時擺得好靚，芒果味道好甜，黑糯米口感煙煙un un，果然要配椰奶來食，因為黑糯米原本冇味，同椰奶好夾，可以帶出佢糯米嘅香味。
凍豆乳腐竹燉桃膠
腐竹糖水嘅味道，配埋營養豐富嘅桃膠，呢個係一個有創意嘅糖水！
晚飯來講，價錢尚算合理！見到仲有好多有創意嘅新式小菜，下次再嚟搵朋友是可以試吓其他唔同嘅菜式！
張貼
