天山小館 (已結業)

香港好少地方食到新疆菜，舖頭嘅老闆娘係新疆人，味道應該正宗，我見到佢自己包羊肉餃子🥟🥟。店裏面充斥著陣陣羊羶味，好香好正🐑🐑。唔使諗一定要食佢個招牌羊肉米線，配埋酸辣湯底。羊肉係切粒，鋪滿晒喺米線上邊，肉質腍身，羊羶味唔算太重。米線🍜裡面有酸豆角，我都係第一次食，又幾好味。湯底氣味芬香濃郁，酸味同辣味都好平行，但稍為太鹹。朋友叫咗香茅雞翼米線，同樣配酸辣湯底。雞翼係即叫即炸，香脆可口，脹卜卜又多肉。