美心香港地 (已結業)

今日只想食茶餐廳,碟頭飯最好有埋湯飲,最好唔系例湯喇!諗諗下好耐無去美心香港地，有點掛住煎蛋豉椒免治牛肉飯(炒底)，乾炒牛河！7點前來到唔洗等位，又有電視睇！新推出既滋心孖寶～砂鍋炆飯加原盅燉湯各$78無加一。滋潤杏汁燉豬肺好大碗足料，可惜用的杏仁粉太重味，是沖調飲品的杏霜味重，不是正宗的杏汁湯～當然用這個配方是經濟又快捷，飲左幾啖就接受左個味，D湯渣無食太大碗，同時砂鍋飯到了！香菇章魚火鴨炆飯份量唔少呀，飯比較油潤，不段地撈，砂鍋的熱力繼續幫助令炆飯乾身一點，飯慢慢就粘在鍋的周邊，有點飯焦的效果！已調味的炆飯味道唔太濃又唔咸，火鴨味重，仲有冬菇片同菜粒，章魚很少！