大喜屋

營業中

休息中

超鍾意食嘢既我真係好鍾意食放題㗎，特別係同成班朋友仔，又多嘢食又多選擇。今期仲出咗燒乳豬㖭啊，呢道菜真係必點啊，啲皮燒到脆卜卜，肉質又好嫩滑，好味到停唔到口。刺身方面嘅種類真係好多，最鍾意嘅當然係雪場蟹腳，真係好鮮甜。三文魚厚切，甘蝦赤蝦爽口彈牙。燒榴槤大家當然唔可以錯過啦，原本榴槤就已經好正燒完之後就更加甜，入口即溶嘅感覺真係好正。除此之外我覺得最特別嘅就係原隻鮑魚飯，睇落真係好精緻，除此之外仲有花雕醉鮑魚，鍾意食鮑魚嘅你又點可以錯過呢。我個人就比較鍾意食小龍蝦，佢呢度呢就有任食嘅麻辣小龍蝦，有麻辣嘅香味而且小龍蝦肉質都仲好彈牙。飲品方便又無限多，鍾意飲甜嘅嘢或者唔甜嘅嘢都好多選擇，而且仲有酒精類別添。小朋友最鍾意嘅雪糕同埋糖果都係任君選擇㗎。鍾意食嘢嘅朋友仔真係唔好錯過啦。