大食代 (已結業)

第一次學人寫食評，就由大眾化嘅food court開始。點解叫新時代? 因為以前嘅food court係有小本經營嘅店舖，亦有經典嘅2餸飯，3餸飯。而家下呢？全部由大食代經營 每個地方嘅大食代入面都係指定食店。銅鑼灣呢個大食代內有星馬菜，韓國菜，日本菜，上海菜，仲有粥品。今日先試試粥品，亦算係全場最平嘅午餐: 皮蛋瘦肉粥午餐$31，包括腸粉及油條粥夠杰身，皮蛋應該有半隻，足料好味，油條比較硬身，可能係午飯時間炸定啦，腸粉ok喎，醬料又比足，越對夠飽啦！food court嘅環境都ok呀，唔太多人，搵位都算易喎，啱哂打工仔啦！