六公館

營業中

休息中

能夠一邊望住維港景一邊嘆中菜，以呢個價位黎講，六公館一定係首選！餐廳將中菜新潮化，黎影維港靚景之外，茶具餐具都吸引到人打卡～八味金磚豆腐炸皮做得幾薄，入面豆腐唔會炸到乾晒，仲好嫩滑。八味就唔係好食得出，唔知係味指七味粉既「七味」+豆腐味「第八隻味」呢（笑）黑蒜焗羊鞍賣相好特別，估唔到d黑蒜好似炭粉咁佈滿羊鞍表面。而且d蒜粉都唔係淨係做樣，食落都係好香蒜味既。花雕醉鴿擺盤好用心咁拼番隻鴿既形態出黎，鴿肉好細嫩，花雕入饌亦做得好入味，可惜鴿既size偏細，份量相對就少左d。松茸羊肚菌海膽燴飯中式燴飯上面加舊海膽，呢種新派中菜crossover咁既做法，其實食落又唔會特別話好夾。桂圓燴和牛臉頰和牛臉頰燜到好腍好入味，用黎送白飯都夠晒正。龍井燻太爺雞上菜前用龍井茶葉係入面焗住煙燻，一上枱打開個下，龍井味散出黎好香茶味。食落d雞都有淡淡茶香，雞肉亦煮得好嫩，即使雞胸位都唔會鞋口。