影片
更多
2015-10-04
684 瀏覽
一向都鍾意食日式串燒，只不過唔知食幾多先夠飽，怕埋單會好襟計，所以印象中只係食過兩三次。是日唔多肚餓（竟然），就撞入去試下。呢度格局唔似傳統串燒店，係帶點新派的。由於係walk in，所以只可以坐近門口的高枱。落單後會先送上一碟沙律汁椰菜，除左可以淨食，亦用來墊住串燒d油。另外一碟仔係檸檬同芥末，可以自行調味。先上的是牛舌（$38），我一向好鍾意牛舌的爽脆口感，簡單配鹽燒已經好滋味，難得呢度唔似一般串燒店落鹽落得好重手，只係輕輕調味，唔錯。之後係signature dish和牛壽喜燒串（$55），做法幾新穎，將sukiyaki元素放係串燒上，外頭係濃郁sukiyaki汁，包住牛肉片、金菇同蔥段，再蘸蛋黃食，又滑又爽又香，大推～露筍黑豚腩卷（$32）相對唔算突出，露筍有點硬。想食飽d，麵豉燒飯糰（$32兩個）都係推介之選，如果鍾意食飯焦口感就更加要點。飯糰烤得好脆，麵豉醬極之香但唔會好鹹，一舊大約係兩啖size，分量剛剛到位。另外一款新配搭菜式係最中壽司，有海膽同海鮮味可選，我揀左前者（$48）。最中原本係日式和菓子，外皮類似威化，裡面係紅豆或白豆餡，而家用壽司做餡，好創新。海膽分量都唔
是日唔多肚餓（竟然），就撞入去試下。呢度格局唔似傳統串燒店，係帶點新派的。由於係walk in，所以只可以坐近門口的高枱。落單後會先送上一碟沙律汁椰菜，除左可以淨食，亦用來墊住串燒d油。另外一碟仔係檸檬同芥末，可以自行調味。
先上的是牛舌（$38），我一向好鍾意牛舌的爽脆口感，簡單配鹽燒已經好滋味，難得呢度唔似一般串燒店落鹽落得好重手，只係輕輕調味，唔錯。
之後係signature dish和牛壽喜燒串（$55），做法幾新穎，將sukiyaki元素放係串燒上，外頭係濃郁sukiyaki汁，包住牛肉片、金菇同蔥段，再蘸蛋黃食，又滑又爽又香，大推～
露筍黑豚腩卷（$32）相對唔算突出，露筍有點硬。
想食飽d，麵豉燒飯糰（$32兩個）都係推介之選，如果鍾意食飯焦口感就更加要點。飯糰烤得好脆，麵豉醬極之香但唔會好鹹，一舊大約係兩啖size，分量剛剛到位。
另外一款新配搭菜式係最中壽司，有海膽同海鮮味可選，我揀左前者（$48）。最中原本係日式和菓子，外皮類似威化，裡面係紅豆或白豆餡，而家用壽司做餡，好創新。海膽分量都唔少，仲有蟹籽，鮮味十足，加埋飯同威化又冇咩違和感，係幾特別的一道菜。
食串燒點都要叫杯drink，點左冇酒精的mango mania（$4x），芒果味重，亦有點橙味，酸酸甜甜幾開胃。
值得去指數：（下次希望食到今次已賣晒的白燒鰻魚同雞皮）
張貼
