摩登堂 (荃灣廣場) (已結業)

平日收工好攰，唔想煮飯。於是嚟到荃灣廣場覓食。見到依間餐廳好靚，係木系裝修，門口又有個雪櫃擺咗好靚嘅甜品，於是就入去試試。入咗即刻安排咗卡位，位置好闊落又有私隱，落地大玻璃窗顯得餐廳更加大。睇睇Menu有咩好食，原來都可以QR code落單， Menu上面嘅食物好吸引，果然係摩登，好多唔少泰國fusion菜。商量完之後我哋嗌咗前菜，蟹肉魚子醬脆筒沙律，燒珍寶手臂大頭蝦，沙嗲雞肉串，和牛船麵，仲嗌咗杯提子菠蘿梳打水。餐廳好貼心，會寫明邊一樣比較推介，啱晒我哋依啲有選擇困難症嘅人。蟹肉魚子醬脆筒沙律🥗成個造型好靚，咬落有啖啖蟹肉，脆筒脆卜卜，令人忍唔住食完一個再一個。燒珍寶手臂大頭蝦🦐呢個一定係去泰國必食㗎啦，所以嗌嚟試試，真係好大隻蝦，肉質爽滑，加埋啲蝦膏一齊食好好味，仲有配埋一個泰式醬，將成隻蝦升華咗。沙嗲雞肉串串燒類要一次嗌三串，咬落有一粒粒嘅花生醬，雞肉都好嫩滑。和牛金邊粉個和牛好有牛味，好嫩滑，加埋香濃嘅湯底，脆脆嘅豬皮，金邊粉份量都幾多下次會再嚟試吓佢個虹吸冬陰功，同埋佢哋嘅甜品