影片
更多
2024-07-28
3198 瀏覽
今次介紹一間位於K11 Musea 由日本師傅主理嘅法國餐廳！餐廳可以望住維港景色👏🏻 lunch set 可以揀3 course/ 4 course/ deluxe set，今次要左個4 courses 可以試曬冷熱頭盤！點完餐後首先有無花果核桃酸種麵包，麵包熱辣辣，外脆內軟，配上mascarpone cheese 真係令我食唔停口！/4 courses lunch set $558/冷頭盤方面係海膽魚子醬甜蝦冷面，黎到見到賣相已經覺得非常吸引！冷面面頭有鮮甜海膽同埋甜蝦刺身，配搭青口汁鮮味更加突出🫶🏻熱頭盤就係煎鵝肝，超大塊鵝肝🥰 加左白麵豉鹹香味濃郁，連埋烤菠蘿同埋椰子泡沫食落又冇咁油膩！主菜方面就試左羊肉，顏色粉嫩，唔講以為係medium rare 嘅牛扒🤣 食落口非常軟熟，但係又唔係和牛個仲入口即溶嘅油膩感，帶埋少少羊騷味真係好好食👏🏻 主菜仲試左sea bass，一黎到見到成碟嘢綠色有少少嚇襯🤣可能上台先淋醬汁賣相會吸引d？不過味道依然相當唔錯，綠色醬汁係菜心汁幾得意，魚肉肉質細膩，有彈性！面頭仲有螢光魷魚添🦑lunch set 仲包埋side dish 係焗芝士通粉，濃郁
餐廳可以望住維港景色👏🏻
lunch set 可以揀3 course/ 4 course/ deluxe set，今次要左個4 courses 可以試曬冷熱頭盤！點完餐後首先有無花果核桃酸種麵包，麵包熱辣辣，外脆內軟，配上mascarpone cheese 真係令我食唔停口！
/4 courses lunch set $558/
冷頭盤方面係海膽魚子醬甜蝦冷面，黎到見到賣相已經覺得非常吸引！冷面面頭有鮮甜海膽同埋甜蝦刺身，配搭青口汁鮮味更加突出🫶🏻
熱頭盤就係煎鵝肝，超大塊鵝肝🥰 加左白麵豉鹹香味濃郁，連埋烤菠蘿同埋椰子泡沫食落又冇咁油膩！
主菜方面就試左羊肉，顏色粉嫩，唔講以為係medium rare 嘅牛扒🤣 食落口非常軟熟，但係又唔係和牛個仲入口即溶嘅油膩感，帶埋少少羊騷味真係好好食👏🏻
主菜仲試左sea bass，一黎到見到成碟嘢綠色有少少嚇襯🤣可能上台先淋醬汁賣相會吸引d？不過味道依然相當唔錯，綠色醬汁係菜心汁幾得意，魚肉肉質細膩，有彈性！面頭仲有螢光魷魚添🦑
lunch set 仲包埋side dish 係焗芝士通粉，濃郁芝士非常邪惡，入面仲有烤煙肉令味道更加豐富！
甜品依然有驚喜以為係普通檸檬撻，但係旁邊竟然係艾草雪糕同埋艾草天婦羅😲 雖然我個人麻麻地艾草但係加埋個檸檬撻一齊食又唔錯，可以中和一下檸檬撻面頭蛋白霜嘅甜味👌🏻
最後仲有咖啡/茶作結，整體黎講，個人覺得性價比相當高，食物質素相當唔錯仲有靚景，職員服務熱情💯
張貼
