摩登堂 (荃灣廣場) (已結業)

呢間見佢周末要等位，搵左個平日去試下晚餐。🔸曼谷醉貓炒金邊粉好大的一份。店員話撈埋旁邊的芫茜更好食，果然冇介紹錯！又一隻大蝦再加幾隻中蝦，上面有一堆蛋絲增添口感。🔸手打月亮炸蝦餅4件好脆好有蝦味，仲要俾多幾塊蝦片，蝦片好好食。配左兩款汁，一隻係酸甜，另一隻係辣汁。我唔食得好辣，沾酸甜醬已經好滿足 。🔸金磚蒜蓉包4件🔸紅咖哩安格斯牛坑腩煲牛坑腩份量好多，有嚼頭，我尤其喜歡連住牛筋的位置。紅咖喱唔算好辣，配住蒜蓉包食好夾。🔸冬陰功紅蝦湯唔似平時飲開既冬陰功，好有蔬菜的清甜，原來加了好多紅蘿白和瓜等等，唔怪得似羅宋湯，好有益，值得推蔫！湯内有大蝦、蜆、青口等，我覺得口味偏辣，要叫番杯凍飲中和。🔸爆打鴨屎百香果茶好特別的味道，唔似平時的百香果，似青檸，爭d 以為黎錯飲品，擺了個烏龍。 整體上好清新，消滯解膩。服務都唔錯，我已經飽左，否則想試埋甜品。