小點角落 (已搬遷) 新店位置

多款有創意菜式 仲可以選擇份量多少 可以每樣叫細份😍啱晒我地樣樣都想試 又唔驚食唔晒😂環境光猛闊落舒適 店員服務態度好 仲要咁多款式揀價錢又唔貴 值得下次再回訪或者試試朗豪坊新開分店❤️⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰▪️麥皮蝦芒果沙律脆筒$30🌟🌟🌟🌟🌟雪糕筒造型好可愛 麥皮蝦夠熱香脆彈牙 仲有夠凍又大大粒嘅芒果果肉同沙律 酸酸甜甜 多重口感同味道👍🏼▪️蔥油溏心蛋飯 細$20/大$35我地揀咗細份 估唔到飯嘅份量都算多‼️溏心蛋夠流心 蔥油令白飯勁香口但唔會過油👍🏼▪️大地魚湯莞茜麵 細$25/大$40揀咗細份但莞茜麵份量一啲都唔少！魚湯有淡淡嘅魚鮮味雖然價錢平但略嫌爭咁啲餸 令口感味道較單一但鍾意清淡嘅朋友有福了😂😂▪️蝦頭油撈麵 細$28/大$43呢份我地都係點細份 蝦頭油令撈麵惹味十足細份嘅麵條份量都好多‼️口感亦彈牙 超抵食👍🏼▪️朱古力粒粒雞蛋仔$28粒粒都脹卜卜而且脆卜卜😍😍每粒仲要有朱古力餡 唔會太甜😋😋▪️小山圓焙茶鮮奶$28焙茶味濃 頂層有豐盈泡沫仲放咗塊朱古力