影片
更多
2022-07-24
168 瀏覽
見到網上有好多人推介呢間特色嘅粉麵餐廳 完全冇諗到呢度竟然會有咖啡飲呀😺 所以行經旺角就嚟試一試佢牛隊長湯麵果然冇介紹錯啊🫡 呢個湯麵嘅湯底係濃牛骨湯底 每一啖都好濃郁 好香牛味🐮 配料方面都好多元化 有秘製牛肋條 澳洲和牛封門柳 牛肚 牛筋同埋蘿蔔🥕 牛肋條炆得好軟身 牛筋就入口即溶☺️ 估唔到蘿蔔咁有驚喜 咬落口好甜 麵底加咗8蚊要讚岐烏冬 果然好好食 烏冬煮得偏軟身 但都唔會完全冇口感好鬼補雞湯麵淨係個名已經好吸引我 因為平日返工咁攰都要搵啲好嘢食補補佢🥰 呢個湯底雞香味都好重 但係就偏淡味少少 配料有花膠 魚肚 新鮮雞件 冬菇片 雞件好滑 而且冇骨🐥 冬菇好厚身 睇得出係用料靚嘅冬菇 呢碗配咗扁拉麵🍜 不過唔知係咪影得太耐相嘅關係 個麵就腍咗少少🤏 其實餐廳好貼心可以揀麵嘅軟硬程度 兩款我都揀咗適中 但係下次可能我會揀硬身少少迷你金銀蛋娃娃菜加$38就有個菜食下 都市人出街食飯通常都唔會嗌 但係我覺得平平哋咪嗌嚟試吓囉🥬 雖然個名有迷你兩個字 但係份量絕對唔少㗎 再配上面頭嘅金銀蛋 更加能夠帶出娃娃菜嘅鮮甜牛油果蝦多士（兩件）本身都好鍾意食蝦多士 所以一見到就即刻點咗嚟試 一咬落
見到網上有好多人推介呢間特色嘅粉麵餐廳 完全冇諗到呢度竟然會有咖啡飲呀😺 所以行經旺角就嚟試一試佢
牛隊長湯麵果然冇介紹錯啊🫡 呢個湯麵嘅湯底係濃牛骨湯底 每一啖都好濃郁 好香牛味🐮 配料方面都好多元化 有秘製牛肋條 澳洲和牛封門柳 牛肚 牛筋同埋蘿蔔🥕 牛肋條炆得好軟身 牛筋就入口即溶☺️ 估唔到蘿蔔咁有驚喜 咬落口好甜 麵底加咗8蚊要讚岐烏冬 果然好好食 烏冬煮得偏軟身 但都唔會完全冇口感
好鬼補雞湯麵淨係個名已經好吸引我 因為平日返工咁攰都要搵啲好嘢食補補佢🥰 呢個湯底雞香味都好重 但係就偏淡味少少 配料有花膠 魚肚 新鮮雞件 冬菇片 雞件好滑 而且冇骨🐥 冬菇好厚身 睇得出係用料靚嘅冬菇 呢碗配咗扁拉麵🍜 不過唔知係咪影得太耐相嘅關係 個麵就腍咗少少🤏 其實餐廳好貼心可以揀麵嘅軟硬程度 兩款我都揀咗適中 但係下次可能我會揀硬身少少
迷你金銀蛋娃娃菜加$38就有個菜食下 都市人出街食飯通常都唔會嗌 但係我覺得平平哋咪嗌嚟試吓囉🥬 雖然個名有迷你兩個字 但係份量絕對唔少㗎 再配上面頭嘅金銀蛋 更加能夠帶出娃娃菜嘅鮮甜
牛油果蝦多士（兩件）本身都好鍾意食蝦多士 所以一見到就即刻點咗嚟試 一咬落件多士度就聽到好香脆嘅聲音🍞 而且多士都好大件 面頭有原隻蝦仁再配以牛油果醬 感覺幾特別
黃金單骨雞翼單骨雞翼食落好方便😉 而且鹹蛋黃惹味 係一個唔錯嘅小食
烘焙泡泡（熱）呢杯飲落口有少少似Cappuccino☕️ 面頭有一層口口嘅泡泡🫧 飲落口咖啡味香濃 同埋都好重奶味
搖呀搖烘焙（熱）呢個賣相同另一杯有少少相似 但係佢面頭就多咗層焦糖 聞落去已經有一浸甜味飄過來🫢 將焦糖同咖啡攪拌之後 味道甜甜地更加合我心意🥰
好開心可以喺一間粉麵店 飲到Cafe質素嘅咖啡啊😚 的確係充滿驚喜 而且環境都好適合打卡📸 大家真係要嚟試吓佢啊
張貼
