影片
更多
2024-02-09
40 瀏覽
今晚約左好朋友食晚餐, 最近成日都好想食潮州野所以就捉埋朋友仔一齊試下E間潮藝館, 餐廳裝修幾有格調, 帶點型格路線咁, 而且座位闊落, 坐得幾舒服! 當晚氣溫急降好凍, 店員一嚟就即刻奉上熱茶同前菜, 暖身又醒胃! ✨️普寧豆腐車車同朋友就最中意食香口野, 加上本身就勁中意食豆腐, 所以一嚟就點左E個小食先! 外層金黃色, 入口外脆內嫩, 配上特色嘅潮州醋汁, 非常開胃! ✨️胡椒豬肚湯咁凍當然要叫d熱湯暖下個胃, 入口胡椒味超濃郁, 而且豬肚處理得好好無臊味, 入面嘅酸菜都好好味呢! ✨️滷水鵝件食潮州菜就緊係必點滷水鵝片, 肉質軟嫩入味, 而放係底層嘅滷水豆腐仲正, 吸哂鵝汁同滷水汁, 送飯一流! ✨️川椒雞一上格已經聞到好香嘅椒味, 川椒雞個名好似好辣咁, 但其實係唔辣的, 入口香嫩惹味, 帶有少許麻嘅感覺, 餸飯一流 ✨️川味花膠麻婆豆腐麻婆豆腐配上厚厚嘅花膠, 啖啖膠原, 少少甜甜地, 食落好惹味, 豆腐好嫩滑, 就咁食都好好味, 餸飯就更加正啦! ✨️蜆肉鵝肝炒飯見到E款咁特色嘅炒飯當然要叫嚟試下, 入口食到有鵝肝粒, 蜆肉, 菜粒同飯, 口感好豐富, 炒飯炒得夠乾身,粒粒分明, 幾
✨️普寧豆腐
車車同朋友就最中意食香口野, 加上本身就勁中意食豆腐, 所以一嚟就點左E個小食先! 外層金黃色, 入口外脆內嫩, 配上特色嘅潮州醋汁, 非常開胃!
✨️胡椒豬肚湯
咁凍當然要叫d熱湯暖下個胃, 入口胡椒味超濃郁, 而且豬肚處理得好好無臊味, 入面嘅酸菜都好好味呢!
✨️滷水鵝件
食潮州菜就緊係必點滷水鵝片, 肉質軟嫩入味,
而放係底層嘅滷水豆腐仲正, 吸哂鵝汁同滷水汁, 送飯一流!
✨️川椒雞
一上格已經聞到好香嘅椒味, 川椒雞個名好似好辣咁, 但其實係唔辣的, 入口香嫩惹味, 帶有少許麻嘅感覺, 餸飯一流
✨️川味花膠麻婆豆腐
麻婆豆腐配上厚厚嘅花膠, 啖啖膠原, 少少甜甜地, 食落好惹味, 豆腐好嫩滑, 就咁食都好好味, 餸飯就更加正啦!
✨️蜆肉鵝肝炒飯
見到E款咁特色嘅炒飯當然要叫嚟試下, 入口食到有鵝肝粒, 蜆肉, 菜粒同飯, 口感好豐富, 炒飯炒得夠乾身,粒粒分明, 幾好食!
✨️燕麥一口薯
雖然已經食到飽飽, 不過甜品另一個胃裝呀嘛😂我地揀左燕麥一口薯, 紫薯外面有層脆脆地嘅糖衣, 之後沾滿左用燕麥同好立克粉混合而成嘅粉, 入口微甜, 口感特別, 配埋啖熱茶就岩岩好啦!
張貼
