影片
更多
5天前
0 瀏覽
今次介紹係位於上環的Honjo。Honjo的理念是一個日本夢想家嘅理想家園，而餐牌上展示嘅係富有創意同新穎味道嘅日本菜式。Honjo尊重日本料理，其飲食哲學是透過展示吸收其他文化靈感嘅菜式來表達。喺一個現代而精緻，又充滿歡迎氣氛嘅環境中，客人從第一杯酒到最後嘅甜品，都會得到一個難忘嘅用餐體驗。當我入到去Honjo後，已經俾環境吸引左，微暗的環境配上，配上特色的燈同家具，製造溫暖的氛圍，明顯設計都係經過深思熟慮的。而今次介紹係全新限定Menu – IzakayaSet，當中有8款美食。而最震憾係呢八款美食係用一個長碟去上，令目不暇給。每款食物都唔係隨便製作，而是有心意根據食材而調味或加上醬汁，但不失食材本身的鮮味，以下就介紹一下:- Pork﹕豬肉有咬口柚子醋配honey 再加mustard 蛋黃醬，味道有層次同複雜，就好似燒腩仔配黃介辣，但豐富好多- Beef: 牛肉燒得好香，外脆內軟，滲出淡淡蒜味- Chicken: 雞肉串燒本身覺得應該無乜特別，因為係日本居酒屋成日都食到，但呢度的醬汁好特別，分別用上沖繩辣椒醬，加上燒香的韭菜碎，味
Honjo尊重日本料理，其飲食哲學是透過展示吸收其他文化靈感嘅菜式來表達。喺一個現代而精緻，又充滿歡迎氣氛嘅環境中，客人從第一杯酒到最後嘅甜品，都會得到一個難忘嘅用餐體驗。
當我入到去Honjo後，已經俾環境吸引左，微暗的環境配上，配上特色的燈同家具，製造溫暖的氛圍，明顯設計都係經過深思熟慮的。
而今次介紹係全新限定Menu – IzakayaSet，當中有8款美食。而最震憾係呢八款美食係用一個長碟去上，令目不暇給。每款食物都唔係隨便製作，而是有心意根據食材而調味或加上醬汁，但不失食材本身的鮮味，以下就介紹一下:
- Pork﹕豬肉有咬口柚子醋配honey 再加mustard 蛋黃醬，味道有層次同複雜，就好似燒腩仔配黃介辣，但豐富好多
- Beef: 牛肉燒得好香，外脆內軟，滲出淡淡蒜味
- Chicken: 雞肉串燒本身覺得應該無乜特別，因為係日本居酒屋成日都食到，但呢度的醬汁好特別，分別用上沖繩辣椒醬，加上燒香的韭菜碎，味道好複雜，亦都未曾試過
- Mushroom: 食材用上大磨菇，最重要係入味同埋保持到Juicy爆汁的感覺
- Scallop: 帆立貝加上青瓜片加上清新的感覺，另外配上黑松露洋蔥，加上一份高貴的味道，同時令口感層次提升
- Salmon: 由於加左魚子，所以味道鹹味相當多些，所以配番壽司飯就岩岩好，另外加上自調的柚子泡菜醬汁，平凡中帶點不平凡
- Tuna: 吞拿魚配上味噌醬、是拉差醬，好像是融合了東南亞加上日本的Fusion味道，完全沖擊味蕾
- Octopus: 八爪魚夠彈牙，配柚子美乃滋醬、壽司飯及脆皮有唔同口感，外脆內軟檽的感覺
黎到呢度，當然都要飲Cocktail或者Mocktail，今次就揀左Forever Together 同埋Six Saku Man，每杯都係大約$70到，係呢個環境同埋睇到
Mocktail製成後的模樣後真係覺得超值。
Forever Together味道層次好豐富，有綠茶日本元素，加上益力多同埋冷壓的菠蘿汁，酸酸甜甜入口感覺，但最後會滲出淡淡綠茶香味。
至於Six Saku Man由於加上蛋白，配上石榴汁的寶紅色，令造型上已經好特別。另外配搭都好特別，分別有甘草、蜜糖同埋冷壓石榴汁，飲落去唔算好甜，但帶出回甘的餘韻。
整體黎講，呢個價錢同氣氛，加上食物質素同創新程度有驚喜，下次我會試下A La Carte，睇下會唔會有唔同感受。
張貼
