影片
更多
2021-10-06
220 瀏覽
星期日行完中環街市再食晚飯，過返去IFC嗰邊睇吓有乜啱食。我哋喺二樓見到有間新餐廳「4口」，上一手舖位係賣鹹蛋薯片。其實係我太耐無行，餐廳好似都開咗好幾個月🤣。餐廳門面非常型格，乍看之下你會以為佢係一間文青店或者日式料理店，誰不知佢賣嘅係福建菜🥢，睇餐牌菜式更覺正宗，但亦不乏新派元素。題外話，舖頭前身係零售店，嗰陣都唔覺佢面積咁大。呢度裝修時尚，襯色幾靚，打卡一流。小店所提供嘅菜式選擇唔多，不過佢同時亦有另一身份，就係咖啡店。呢度有專業咖啡師駐場，沖出各式咖啡☕️，並有售賣手工曲奇🍪，實在意想不到。小海鮮燜薯粉($138)，或者我對「燜」呢個煮法唔太熟悉，我無預期過佢係一碗湯麵🍜，但味道完全無問題。佢嘅用料同一般福建炒米粉無異，包括有鮮蝦🦐、蜆肉、小柱、豆卜、冬菇、紫菜、菜同蔥等。湯底夠熱夠清，唔濃唔淡，味道恰到好處，成碗飲晒。薯粉粗身如河粉，口感煙韌，但個人認為麵條就未算最吸引之處。乾炸荔枝肉($88)，佢係夏季特選菜式嘅熟食料理☀️，本身以為佢係小食，好彩一問之下先發現原來係主食，配白飯🍚。荔枝肉係指豬梅花肉🐷，炸漿則用上木薯粉。炸肉皮薄酥脆，肉質細嫩多汁，即炸即食好正，但佢自身就無乜
星期日行完中環街市再食晚飯，過返去IFC嗰邊睇吓有乜啱食。我哋喺二樓見到有間新餐廳「4口」，上一手舖位係賣鹹蛋薯片。其實係我太耐無行，餐廳好似都開咗好幾個月🤣。
餐廳門面非常型格，乍看之下你會以為佢係一間文青店或者日式料理店，誰不知佢賣嘅係福建菜🥢，睇餐牌菜式更覺正宗，但亦不乏新派元素。題外話，舖頭前身係零售店，嗰陣都唔覺佢面積咁大。呢度裝修時尚，襯色幾靚，打卡一流。
小店所提供嘅菜式選擇唔多，不過佢同時亦有另一身份，就係咖啡店。呢度有專業咖啡師駐場，沖出各式咖啡☕️，並有售賣手工曲奇🍪，實在意想不到。
小海鮮燜薯粉
$138
15 瀏覽
0 讚好
0 留言
小海鮮燜薯粉($138)，或者我對「燜」呢個煮法唔太熟悉，我無預期過佢係一碗湯麵🍜，但味道完全無問題。佢嘅用料同一般福建炒米粉無異，包括有鮮蝦🦐、蜆肉、小柱、豆卜、冬菇、紫菜、菜同蔥等。湯底夠熱夠清，唔濃唔淡，味道恰到好處，成碗飲晒。薯粉粗身如河粉，口感煙韌，但個人認為麵條就未算最吸引之處。
乾炸荔枝肉
$88
2 瀏覽
0 讚好
0 留言
乾炸荔枝肉($88)，佢係夏季特選菜式嘅熟食料理☀️，本身以為佢係小食，好彩一問之下先發現原來係主食，配白飯🍚。荔枝肉係指豬梅花肉🐷，炸漿則用上木薯粉。炸肉皮薄酥脆，肉質細嫩多汁，即炸即食好正，但佢自身就無乜味，所以一定要沾酸汁食嚟吊味。炸肉除咗好食之外，仲要唔油，而且份量激多，可能有成廿嚿😳！
豬蹄水晶凍($32)，福建菜嘅小食主打海鮮類，但我唔食得🙈，選擇即刻少咗一半。水晶凍類似肴肉嘅製法，水晶層用上鹹香十足嘅高湯整成，並混入豬蹄肉碎，帶點口感，整體食落幾得意。
潤肺枇杷凍
$32
3 瀏覽
0 讚好
0 留言
祁門紅棗蛋糕(原價$38)，蛋糕比較迷你，略嫌定價偏貴。下午茶時段嗌飲品可以用優惠價加配，但其實都只係平咗$6，哈😅。不過蛋糕味道唔錯，散發住紅棗香，甜度適中，亦夠鬆軟。
凍檸檬桂花水
$48
2 瀏覽
0 讚好
0 留言
總括嚟講，呢間小店滿有驚喜，佢除咗有靚裝修之外，食物質素同樣優秀😋。此外，店員嘅服務態度抵讚，佢哋對菜式內容非常熟悉。餐廳嘅上菜速度亦都好快，食物熱辣辣送上，咁樣足以證明廚房嘅準備充足👍。
張貼
