茶餐廳2.0 (已結業)

茶餐廳2.0就咁聽個名都覺得幾特別，佢既menu真係乜嘢都有得食咁。除左一般茶記會有既野食之外，仲有好多其他唔同既菜式，例如喇沙、日式丼飯、卡邦尼、蛋包飯...真係緊有一款啱你口味😌而且呢度午市套餐都幾多選擇，又唔貴，抵食！1⃣️馬來咖喱牛筋腩飯（$62）午餐黎既，包埋野飲都幾抵。咖喱幾香，牛筋腩唔算好淋，但係啲薯仔、蘿蔔就煮得好淋好入味，唔錯😍同埋佢呢度用既飯食得出係靚飯黎😂有飯香。  2⃣️香茅椒鹽一字骨（$68）一字骨好惹味！食落椒鹽味好香，每食一啖肉都係好香既椒鹽味！而且唔會整得好油👍另外呢個小菜套餐仲有跟湯。揀左中湯，係冬瓜甘筍湯，湯底幾清甜，唔會話好鹹好味精既感覺。  3⃣️招牌雜扒（$108）有啲想鋸扒，所以就嗌左個鐵板既雜扒餐。雜扒份量超多，有蝦、豬扒、牛扒、雞扒、法蘭克福腸、火腿同埋薯菜。啲扒既質素唔可以話好好，始終呢個價錢都唔可以期望太多，牛扒熟度唔錯，中間仲有啲粉嫩，但係肉質太淋，感覺落左好多鬆肉粉。同埋薯條都係好淋冇味果啲。整體係抵食既😗有咁多肉食，啱曬食肉獸，食完成個餐真係好飽！  食既時候係鐵板上面淋埋蒜蓉汁，完美呈現翻舊式既扒房風味😋間中想鋸下扒，呢度絕對係一個唔錯既