祥仔辣辣 (The LOHAS) (已結業)

會員優惠有抵食2人餐於是去試下。前菜： 口水雞味道幾好，但有幾舊好生，有血嘅宮保蝦仁：呢個汁似甜酸汁多啲，唔係正宗嘅麻辣香嘅宮保汁。感覺有啲似咕嚕肉同燒鴨甜酸汁嘅混合體。蝦仁係急凍嘅，全無味道。酸菜魚：一上枱啲魚係放晒喺面頭，食咗一舊疑似唔熟，於是反佢哋落去浸下。但過咗一陣都唔熟，一問之下先知原來做法係半生熟咁上枱點解唔一早提醒顧客，食生嘅淡水魚會生蟲😖😖 於是要求煮多陣..講返味道，佢唔係傳統酸菜魚味，係加咗啲西式香料，唔係唔好食，但味道有啲怪，可能我食唔慣。酸菜肉末薄餅： 薄餅整得出食，薄得嚟又有彈性。但酸菜炒肉末味道較單一，只有酸咸味。如果加多少少另一啲味道落去有層次啲應該會好好多🤔甜品桂花酒釀湯丸：好食，但略嫌湯丸皮有啲厚。