影片
更多
2023-08-28
603 瀏覽
位於尖沙咀地鐵上蓋5分鐘步程，九龍公園隔離非常就腳，上樓一層，屬於新派點心與傳統嘅結合，龍點心的新派點心精緻得嚟味道有水準！開枱坐卡位，飲茶有卡位坐仲要坐得舒服，而且一坐底即刻開茶，我點咗鐵觀音，茶水味都幾香濃，茶錢就$10一位，餐廳計加一服務費。我同朋友點咗啲新式點心，又叫咗啲老派點心，見到有埋咁多款甜品又叫埋，估唔到仲有燉湯，佢哋款式菜式選擇真係幾多，以尖沙咀食飯嘅價錢唔算貴，同埋真係整得幾好味、每一樣都好平均。一龍大滿足的確一次過滿足哂六種嘅味蕾感覺，酸菜魚鳳眼餃非常有驚喜，真係食到麻酸嘅感覺！好開胃！另外蟹粉菠菜香蝦餃、筍尖蝦餃皇，每一啖都充滿鮮蝦甜味，蝦肉爽口彈牙，而松露野菌晶瑩餃、鹹蛋黃墨魚燒賣都好特別，感受到唔同口感嘅新鮮感！而豌豆桃子口感似壽包，不過係迷你版本，食落亦都似蓮蓉嘅味道。笑口叉燒包因為好鍾意食傳統叉燒包，的確係比一般叉燒包細咗少少，雖然未到爆肉，但係都食得好開心，味道唔錯👍🏻南北杏菜膽燉豬肺因為好鍾意食豬肺，所以點咗燉湯，老實講，瘦肉真係好多好足料，豬肺都有2-3小片，其他配料都好足，個湯都幾清甜！桃膠鮮奶燉椰皇最滿意係呢個甜品，唔太喜愛食甜嘅都覺得好好味，
位於尖沙咀地鐵上蓋5分鐘步程，九龍公園隔離非常就腳，上樓一層，屬於新派點心與傳統嘅結合，龍點心的新派點心精緻得嚟味道有水準！開枱坐卡位，飲茶有卡位坐仲要坐得舒服，而且一坐底即刻開茶，我點咗鐵觀音，茶水味都幾香濃，茶錢就$10一位，餐廳計加一服務費。我同朋友點咗啲新式點心，又叫咗啲老派點心，見到有埋咁多款甜品又叫埋，估唔到仲有燉湯，佢哋款式菜式選擇真係幾多，以尖沙咀食飯嘅價錢唔算貴，同埋真係整得幾好味、每一樣都好平均。
一龍大滿足的確一次過滿足哂六種嘅味蕾感覺，酸菜魚鳳眼餃非常有驚喜，真係食到麻酸嘅感覺！好開胃！
另外蟹粉菠菜香蝦餃、筍尖蝦餃皇，每一啖都充滿鮮蝦甜味，蝦肉爽口彈牙，而松露野菌晶瑩餃、鹹蛋黃墨魚燒賣都好特別，感受到唔同口感嘅新鮮感！而豌豆桃子口感似壽包，不過係迷你版本，食落亦都似蓮蓉嘅味道。
笑口叉燒包因為好鍾意食傳統叉燒包，的確係比一般叉燒包細咗少少，雖然未到爆肉，但係都食得好開心，味道唔錯👍🏻
南北杏菜膽燉豬肺因為好鍾意食豬肺，所以點咗燉湯，老實講，瘦肉真係好多好足料，豬肺都有2-3小片，其他配料都好足，個湯都幾清甜！
桃膠鮮奶燉椰皇最滿意係呢個甜品，唔太喜愛食甜嘅都覺得好好味，桃膠份量好足，鮮奶燉椰皇香滑柔軟，感覺入口即化，非常好味✨
鮮芒果甜椰芒果蓉好多，底層似係椰子味彈牙啫喱，食落非常消暑，芒果酸酸甜甜好開胃。
香濃黑芝麻糊米漿成份比較多嘅芝麻糊，店員表示以新鮮黑芝麻即磨打出，芝麻味道可口質地比較杰。
張貼
