二十道

以日本傳統藍染嘅藍色為主調，成個設計都係來自Outback designer！呢度麻雀雖小，五臟俱全，L型吧枱，可以近距離聽師傅介紹菜式！👉🏻燒螢光魷魚乾 $68曬乾左嘅螢光魷魚仔，絕對有童年回憶嘅味道，咀嚼時感受到魷魚肉質嘅彈性，帶有嚼勁，連紫洋蔥一齊食，散發回甘味！👉🏻雞頸肉串燒 $28雞頸肉呢個部位真係好少食，肉質好爽彈，一食愛上，每啖都有肉汁嘅滋味同串燒嘅香氣！👉🏻鰻魚肝 $26完全無魚腥味，有滑爽嘅口感，柔軟嘅質感！👉🏻青羽參一夜干 $128自家醃製，將魚嘅鮮味凝縮，帶有濃郁嘅香氣，口感韌實！👉🏻牡蠣黑啤 $80食串燒漬物一定要送下酒，揀左呢個好特別嘅牡蠣黑啤，有蠔嘅鮮味，苦澀同牡蠣嘅香氣相互融合，夠哂清爽！👉🏻雪酒拉麵(魷魚一夜干）$86一般拉麵都勁濃味，但呢個雪酒拉麵好鮮味，用日本酒加雞加帆立貝熬出，唔會咸，有陣陣酒香，真係忍唔住不停飲湯！魷魚一夜干好有風味，口感韌實！配菜就好fusion，用左日本水菜、蘿蔔漬物同意大利黃瓜！👉🏻漬物苦瓜完全唔苦，非常清爽可口嘅小菜！