周師傅點心 (已結業)

同完囡囡去完西九龍玩完，行經見到呢間點心店囡囡就俾佢門口既包包吸引住話要想食，見玩到攰攰地，又餓餓地就入去坐底當食個tea先呢間點心好特別，有創意點心同傳統點心平時食得多傳統點心，好想試哂呢到既創意點心呀！但同囡囡食一定食唔哂！叫住一兩個試先，其他留返下次同老公試先黎個點心必食既燒賣先$16/2粒 我同囡囡一人一粒，熱騰騰啖啖肉又有汁，酒樓都無呢到咁好食，食到我囡舔舔脷我就最鐘意食蘿蔔糕啦，所以就叫咗個XO醬炒蘿蔔糕$34辣辣地好香口，加埋芽菜食真係絕配！囡囡就係俾呢個「HEA包」$23 吸引左入黎啦！真係好可愛呀⋯⋯欣賞左佢一陣先品嚐佢呢個「HEA包」（流心奶黃包）真係好流心，食個時真係要小心爆哂d奶黃出黎呀！熱騰騰出哂煙架！奶黃味重，係食過最好食既奶黃包「創意點心」脆皮馬拉糕$23一個手掌打開咁大個，分成6件，外脆內軟唔會太甜，真係好有創意好好食粒粒奶凍咖啡糕 $16呢個真係好食到暈，佢既口感就如布甸一樣，超滑既口感加上特濃既咖啡味，喜歡咖啡既真係要試下，俾十個最後食淨個脆皮馬拉糕打包返去俾老公食買單都係$112 就可以滿足到囡囡又醫飽個肚，真係超滿足；呢間真係平靚正。