燒烤堂

營業中

休息中

不嬲性價比超高, 質素又好好嘅燒烤堂原來而家荃灣都有新店喇！環境仲好寬敞新淨好好坐, 啱大班人嘅大枱又有！裝修以木系為主, 充滿日式風情, 餐廳座位間隔又寬闊, 感覺非常舒適☺️有食過嘅都知望住燒烤堂嘅menu, 真係隨便放題式咁叫都得㗎喇！每串又唔係貴, 亦冇伏嘅機會！特別推薦幾樣啦😆 包括燒廣島蠔, 蠔肉真係好鮮甜多汁, 配上蒜蓉醬汁, 真係wow咗一聲！檸蜜多士外脆內軟, 熱辣辣即燒起, 上面嘅牛油融融哋, 入面又有芝士粒, 邪惡之選！但檸檬香氣配上蜜糖, 甜而不膩～ 雞軟骨月見棒必叫啦, 口感爽脆, 配上生蛋黃真係冇得輸～ 豚肉蘋果串配搭有驚喜酸甜開胃😋 牛魔當然都要食和牛、牛舌拖羅～ 豚肉櫛瓜波枝糖亦非常特別, 仲好打卡-able🤣荃灣人又多個好選擇呀！