影片
更多
2013-01-21
1353 瀏覽
琴日喺尖沙咀一日遊，行到8點腳斷喇！睇 Openrice 介紹依間聚手工火鍋，就帶兩個外國朋友去試試。我哋 book 咗8:45，但係真係好累，8點左右就去到，試試會唔會早啲有枱。一去到見到 full house，無辦法啦！個 staff 好有禮貌咁話如果我哋想去行下，早咗有枱就立即打俾我哋。我哋都係決定坐住等，個 staff 轉頭嚟問我哋要唔要飲竹蔗水或者薏米水，送俾我哋飲仲係咁話唔好意思，其實係自己早到，我哋唔好意思就真...到8:35左右有枱喇！等嘅時候飲咗凍竹蔗水，好清甜，staff 話係新鮮煲嘅，坐低立即再叫一壼！店嘅最中間有好大個 sushi bar，見到棘身拼盤好靚喎！不過兩個外國朋友話佢哋淨係食 salmon，咁就叫淨三文魚、三文魚腩棘身啦！兩種食落都非常新鮮，又滑又潤，一入口就知係靚貨！湯底朋友揀蕃茄豬骨湯。湯好鮮甜，仲有大大舊豬骨同蕃茄薯仔。朋友話佢哋返外國都可以試煲 minestrone 加豬骨，學我哋中國人打邊爐！打邊爐最重要梗係牛肉啦！睇住落 order 之後師傅即刻喺 sushi bar 手切，無花假！我哋叫咗牛小排，非常 tender、好嫩好滑！仲有牛邊位
琴日喺尖沙咀一日遊，行到8點腳斷喇！睇 Openrice 介紹依間聚手工火鍋，就帶兩個外國朋友去試試。
我哋 book 咗8:45，但係真係好累，8點左右就去到，試試會唔會早啲有枱。一去到見到 full house，無辦法啦！個 staff 好有禮貌咁話如果我哋想去行下，早咗有枱就立即打俾我哋。我哋都係決定坐住等，個 staff 轉頭嚟問我哋要唔要飲竹蔗水或者薏米水，送俾我哋飲仲係咁話唔好意思，其實係自己早到，我哋唔好意思就真...
到8:35左右有枱喇！等嘅時候飲咗凍竹蔗水，好清甜，staff 話係新鮮煲嘅，坐低立即再叫一壼！
店嘅最中間有好大個 sushi bar，見到棘身拼盤好靚喎！不過兩個外國朋友話佢哋淨係食 salmon，咁就叫淨三文魚、三文魚腩棘身啦！兩種食落都非常新鮮，又滑又潤，一入口就知係靚貨！
湯底朋友揀蕃茄豬骨湯。湯好鮮甜，仲有大大舊豬骨同蕃茄薯仔。朋友話佢哋返外國都可以試煲 minestrone 加豬骨，學我哋中國人打邊爐！
打邊爐最重要梗係牛肉啦！睇住落 order 之後師傅即刻喺 sushi bar 手切，無花假！我哋叫咗牛小排，非常 tender、好嫩好滑！
仲有牛邊位，味道同口感同牛小排完全唔同，牛邊位好重牛味、好好咬！兩種都 like like like!
Staff 推介臘腸豬肉丸，大大粒、口感好好之餘，加咗臘腸好吊味！朋友話鬼佬 meatballs 無得比，問我點整？我真係唔識答。
我鐘意鵝腸，不過多數地方嘅都麻麻。依度嘅鵝腸好新鮮，肥膏留得不多不少，剛剛好！佢哋唔食內臟，我食曬成碟，正！
最尾跟個菜籃，新鮮仲排得好靚，份量又多。仲有兩個稻庭烏冬同豆腐，落晒先醒起無影相。
食完 hotpot，個 staff 問我哋要唔要水果同甜品，送俾我哋。但係我哋飲完竹蔗水之後，睇到 wine list 見價錢好抵，改飲啤酒，再飲咗兩支白酒... 朋友已經有啲醉，只好快啲埋單送佢哋返酒店。It was such a great night!!! Good food + good service + good place，最重要仲有 good friends！聚，個名改得好，我未食完已經book 定下個星期六同屋企人嚟聚！
張貼
