The Big Things Noodles (已結業)

係K11 真係行極玩極都唔悶，玩累了仲可以去搵正野食，今次就同謙謙食左 The Big Things Noodles 呢間麵食幾特別的 有唔同元素放在一起。謙謙叫左碗“日式櫻花蝦擔擔麵”， 賣相又幾靚喎， 入口好香花生醬，豬肉碎和櫻花蝦混合一齊爆炒夠哂惹味， 擔擔麵拌勻一起食超正。而我就想食辣野，叫左碗別出心裁的泰北冬陰虎蝦稻庭烏冬， 係出面未食過呢個配搭幾新穎喎，3隻煎香的虎蝦 +稻庭烏冬口感一流用上冬陰功的味去煮幾辣，辣味刺激令人忍唔住一口接一口再食。