飲茶 (朗豪坊) (已結業)

飲茶係間好適合打卡影相嘅店，雖然主打係係中式點心，但賣相滿分，睇落精緻新穎又趣怪。首先講下佢嘅流心包，每款都有獨特嘅外表同性格，今次叫咗抹茶味，真係幾濃味。不過如果本身唔中意抹茶嘅話，可能會討厭，所以要睇番各人嘅口味先好決定。隻乳鴿睇落自帶柔光，未食都知唔差啦。一入口就食到油香，係乳鴿獨有嘅風味，肉質細嫩，味道醃製得夠入味，微微脆口嘅外皮同滋味可口嘅肉汁，真係食多隻都仲得啊！當然唔少得佢地金光閃閃嘅蝦餃啦，外表色彩斑斕，非常吸引，可惜相對相統嘅蝦餃，呢度嘅皮太厚，所以有啲失望，不過用嚟影相呃lile或者哄小朋友，相信都幾好用