尚素 (已結業)

今日信佛嘅媽媽想食齋，所以我就帶咗佢地一間觀塘幾出名嘅素食餐廳 - 尚素。我地一家四口點咗個價值$732嘅四人套餐。前菜1:春夏拼盤這個拼盤有四款素食，苦瓜，雲耳，淮山同埋素海哲。苦瓜口感很清新，甘得嚟唔會太苦，淮山雲耳同埋素海哲都爽口，食落"索索聲"，且帶點麻辣。前菜2:柚子醬三色串燒串燒配上柚子醬，是甜甜酸酸的味道，食落非常開胃，冬菇又大大粒，裏面充滿汁液，一啖咬落去，濃濃嘅冬菇汁係口腔入面散開。湯品:黃耳冬瓜翡翠羹。黃耳爽口，湯裡還有一些冬瓜，入口帶甜，但略嫌羹太稠，亦都沒有加任何味精。榆耳珍寶荷葉飯(+$98)廚師將材料同飯先炒香，然後再用荷葉包裹去蒸打開塊葉，清香撲鼻而來，食落都有淡淡荷葉味。份量好大，4個人去食都食唔哂。吉列百靈菇扒呢道菜賣相最特別，百靈菇好成功咁扮成吉列豬排。外皮炸到金黃酥香，配上山葵沙津醬，味道非可口。而百靈菇亦都好有咬口，俾到你煥然一新嘅味道。