好運泰國美食

營業中

休息中

假期約左朋友係新蒲崗搵左間餐廳食泰國菜。餐廳係新蒲崗廣場2樓, 座位幾闊落。我哋叫左幾款食物, 冬蔭功雞肉金邊粉, 湯底濃郁, 酸辣惹味, 雞肉亦很嫩滑, 十分開胃醒神。泰式海鮮乾炒河, 蝦肉大隻彈牙, 河粉比較闊身煙韌, 炒得夠鑊隻, 食落好香口。酸辣無骨鳳爪, 有洋蔥, 西芹, 車厘茄等配料, 鳳爪好爽脆, 味道酸酸辣辣好開胃。酥炸紫菜魷魚, 魷魚包住紫菜炸得好酥脆, 咬落去煙韌彈牙。甜品叫左芒果糯米飯, 佢做成6粒雙色糯米飯, 擺盤精緻, 芒果亦十分鮮甜, 食完好滿足。下次如果去開啟德行街, 可以再黎呢間餐廳食。