天外天

最近聽朋友提起［天外天］的點心和小菜有創意，所以就約咗幾個胃食好友來試試。此食肆屬高檔貴價，星期三晚都有七八成坐滿已經算幾好生意。先來一客《宮廷帶子酸辣湯》，中規中矩啦，貪佢有帶子鮮味同有體面D。跟住來焗蟹蓋，同一般食過既焗蟹蓋沒甚麼大分別，都夠鮮味既。《凍頂烏龍茶薰鴿》做得唔錯，茶香薰味夠濃郁 《龍蝦蒸蛋白》係每人一客，味道水準保持得夠高。《五香脆安格斯腩片》對我來說有些驚喜，牛腩選料上乘，用很嫩的坑腩，暖暖的肉外面包著薄脆皮， 不過唔食牛既人仕就唯有旁觀喇。《話梅肉桂糖醋排骨》一人兩件，幾精緻，但冇驚喜。而《川府巴馬腿津白》也很普通，俾個靚名呃左。至於環境就一流，靠窗座位有維港景觀，我們坐大圓枱離窗五六米都可以看到大幅景都幾好，因為此處用全玻璃窗圍繞設計並在28樓高，所以從很多位置都看到海景。下次想試試午市廣東點心。