Cafe Wellcome x BBQ Place (已結業)

本來約左同事一齊食晏，點知佢要開會唔得閒，咁唯有自己食啦。一早決定左食Cafe Wellcome，原來佢除左半自助餐，仲多左個健康之選嘅午餐喎，可以走飯食沙律，就試下佢先。ABC各選一，仲有甜品同餐茶，價錢都幾親民。附送的餐湯，是日係雜菜湯，幾足料。揀左凱撒沙律+碎蛋沙律配烤雞胸肉+鬆餅，賣相幾吸引😋凱撒沙律用上羅馬生菜，個沙律醬調味不錯。雞胸肉一啲都唔鞋口，入口軟嫩仲有烤過嘅香味添。下層仲夾左香港少見嘅牛油生菜，好有誠意喎。餐飲要左凍檸茶走甜，檸香唔澀又夠凍。跟餐甜品可以選movenpick雪糕或店家自製蛋糕，揀左後者。是日係粟子慕絲蛋糕，軟滑微甜很對胃呢😘原來餐廳有outside可坐，仲有寵物menu添呀。