名門讌客 (裝修中)

今日去葵芳搵埋阿姨飲下午茶，佢話呢間新開食過d野唔錯，就叫我地黎試下呢間啦。大概3:15黎到，即刻有位，實在係非常之好。呢度環境好靚，好多水晶燈，一睇就感覺係俾人擺婚宴既地方。地方算非常大，所以擺到好多張檯，不過變相就有一點點嘈，不過飲茶係咁架啦。叫了 4 - 5 樣食物，質素都算幾好。叫左碗燒鵝瀨，都幾大碗，而且有好多燒鵝。燒鵝雖然好味，不過感覺無咩肉，成日都食到骨......。另外流沙包亦都係唔錯，餡算流沙，而且甜度適中，不過個餡好似少左d，如果多返d就更好味啦。個皮厚左少少，但都算鬆軟，吃得過的。另外叫了一個鮮竹卷和川芎白芷魚雲。這兩個點心也是不錯的，鮮竹卷好多餡，筍夠爽而且肉夠實，味道亦夠。川芎白芷魚雲有點點腥，不過個魚頭好滑，有dd藥材味，都唔錯。最難食莫過於千層糕，外表就幾好，不過食落一d都唔鬆軟，好鬼實。攤凍少少仲硬到好似石頭咁，所以唔好食。有DD蛋黃香，不過彌補唔到一切。環境是最好，服務一般，食物質素中間至中上，不過葵芳來說應該是一個飲茶的好地方。